Kuwait Emir thar Sheikh Mishal atan la lut

Kuwait lal, Emir Sheikh Nawaf Al-Ahmad Al-Jaber Al-Sabah a thih tak avangin a thlak turin a unaupa, Sheikh Mishal Al-Ahmad Al-Jaber Al-Sabah chu Kuwait National Assembly-ah rinawmna thu tiam tira lak luh ani.

December 16 khan Sheikh Nawaf Al-Ahmad Al-Jaber Al-Sabah hi kum 86 mi niin a thi a ni. A thlaktu turin Nilaini khan kum 83 mi, Sheikh Mishal Al-Ahmad Al-Jaber Al-Sabah chu Parliament-ah Kuwait Emir 17-na atan official-a lak luh a ni a, lak luh a nih hnua thu a sawiah an ram leh mipuite venhim a, ram danpui mila rorel leh eirukna do tura theihtawp chhuah a tiam.

Sheikh Mishal hi kum thum chhunga Kuwait lal atana lak luh pathumna a ni. Kum 2004- 2020 chhung khan National Guard deputy chief niin, kum 1960 chhoa Ministry of Interior-a a luh hnuah kum 13 chhung state security hotu dinhmun a lo chelh tawh bawk. Emir thar hian crown prince tur a ruat bakah, sorkar thar siam turin prime minister pawh a ruat dawn a ni.