Iran drone-in India Ocean-a tanker kap

Indian Ocean-a chemical tanker chu Inrinni khan Iran aṭanga kah chhuah drone-in kah fuh a ni tih US sipaite chuan an sawi.

Drone-a kah a nih vang hian Chem Pluto-ah hian kangmei a chhuak zui a, mahse ṭhelh mih leh thuai a ni. He thil thleng vang hian thi leh hliam an awm lo nia hriat a ni.

Iran chuan US-in a puhna chungchangah hian thuchhuah engmah a la nei lo. Hetih lai hian Iran-in a thlawp, Yemen-a Houthi firfiak pawh chuan Hamas te thlawpin, Red Sea-a lawngte chu drone leh rocket hmangin an lo bei ve fo a ni.

Maritime security firm Ambrey chuan tanker hi Saudia Arabia aṭanga India pan a nih thu leh, Israel nena inthlunzawmna neih a ni tih a sawi. US chuan Chem Pluto hi Iran aṭanga kah chhuah drone in a fuh a, a structure ṭhenkhat pawh a chhia niin a sawi. Hei hi US-in langsar taka lawnglian beia Iran a puh vawi khatna a ni a, a hmain Red Sea-a commercial vessel-te bitumah a lo puh fo tawh a, mahse hei hi Iran chuan a pha thung.

Tanker kah fuh a nih hnu hian Indian navy chuan ṭanpui hna thawk turin aircraft leh warship-te a tir nghal a ni.