Ukraine-in a vawi khatna atan December 25-ah Krismas lawm

Russia nena an indo mek karah, Ukraine ram chuan a ṭum khatna atan December 25-ah Krismas lawmna hun an hmang.

Ukraine leh Russia hian Julian calendar an hman avangin Ukraine Orthodox Kristian-te hian January 7-ah Krismas hi an hmang ṭhin. Mahse kumin July thla atang khan Gregorian calendar hmang tawhin, a vawi khatna atan December 25-ah Krismas hi an hmang ve ta a ni. Hei hi Russia aṭanga an inlakhranna an lantirna pakhat nia ngaih a ni tel bawk.

Ukraine president Volodymyr Zelenskyy chuan Ukraine mipuite chuan lungrual takin, ni in angah Krismas an hmang thei ta tih a sawi.

Kum 2022, February 24-a Russia-in Ukraine a run aṭang khan ram pahnihte hi an la inbei chhunzawm reng a ni.Ukraine-a United Nations Human Rights Monitoring Mission-in a tarlan danin, indonaah hian civil mi 10,000 chuang an thi tawh a, an zingah hian naupang 500 chuang an tel a, hliam tuar mi 18.500 an awm bawk niin a sawi.