Myanmar-in China mi 40,000 chuang thawn kir tawh

Myanmar thuneitute chuan kumin September thla aṭang khan online scam group nena inkaihhnawih, China ram mi 40,000 chuang manin an ram an thawn kir tawh.

September thla aṭang khan online scam chungchangah sorkar chuan hma a la a, he thila inhnamhnawiha nia hriat China mi tam tham tak hi an man a ni. An mi mante hi an ram hmarlam, Shan state aṭangin China-ah hian an thawn kir a ni.

State Administration Council-in thuchhuah a siammah, October 31 leh December 15 inkar khan China mi 12,050-te chu online scam group kaihhnawihah man an ni tih a sawi a, Ministry of Public Security chuan cybercrime group nena inzawmna nei China mi 31,000 man anni tih a sawi bawk.

Political expert-te chuan online scam hluar chho lutuk chu Myanmar rama China mi, phalna nei loa lut an tam lutuk vang niin an ngai. Political observer Hla Kyaw Zaw chuan he thilah hian ram pahnihte hian mawh an phur ve ve a ni tiin, china chuan a ramri a veng zo lo a, dan loa ramri kan hi an awm reng a, hetih lai hian Myanmar ramah dan mumal taka kenkawh awm loin, sum nei pawht chuan an duh duh an ti thei a, hei vang hian phala nei loin China mite pawh an lut theih phah bawk a ni, a ti.