NKorea hotu Kim hoin party-in kumtawp meeting nei

North Korea-a rorellai, Workers' Party chuan Thawhlehni khan an ram hotu lu ber, Kim Jong-un hoin kumtawp party meeting an nei a, kum thar lam atana an party policy turte an sawiho.

NKorea state media chuan Workers' Party of Korea Central Committee plenary meeting=ah hian kumin chhunga state policy thlirletna an nei bawk tih a tarlan a, kum 2023 chu North Korea ram tana a ṭha lam hawia kalphung thlakna nasa tak thlen kum tiin an sawi.

Kim pawhin kum 2023 chu an ram tana 'kum pawimawh' tiin, hlawhtlinna hrang hrang an tawn chhoh thu leh, an ram pawh thuam chak a nih thu a sawi. Meeting0ah hian agenda pawimawh tak paruk an sawiho bawk a, heng zingahhian party hruaitu dinhmun thuam chakna turte a tel. Meeting hi an la chhunzawm dawn, Kim hian thu sawiin, NKorea domestic leh foreign policy pawh a puang nghal dawn a ni. Kum 2020 aṭang khan Kim hian Kum Thar nia a thusawi ṭhin aiin, year-end party meeting plenary session-ah hian ram mipuite tana thuchah hi a sawi zawk ṭhin a ni.