US-in Iraq-ah Iran thlawp helpawl lakah beihpui thlak

Iraq-a Erbil hmuna US military base chu Iran thlawp helpawlin dorne hmang an beih hnuah, US sipaite chuan heng pawl lakah hian beihpui an thlak zui ve nghal. US base beihnaah hian US sipai pathumin hliam an tuar a ni.

Iraq-a inbeihna thleng hi Israel-Hamas indona nghawng zel nia hriat a ni. Hamasa firfiak pawl thlawptu lam chuan Iraq leh Syria-a US sipai hmun an bitum a ni. Iraq leh Syria-ah hian Iran thlawp helpawlte chuan Israel chu nasa taka dodalin, Gaza Strip-a Hamas laka beihpui an thlak mekah US hi mawhphurtu zingah an puh tel a ni.

US military chuan president Joe Biden thupek angin, US sipaite chuan Iraq-as Kataib Hezbollah helte chu bei letin, an pawl hmunhma pawh eng emaw zat an tihchiat sak niin an sawi. US Central Command hotu, general Michael Erik Kurilla chuan an sipaite chu venghim turin an che chhuak zel dawn tih a sawi.

October 7-a Israel-Hamas indona a chhuah hnu khan, Iraq leh Syria-a US sipaite hian rocket leh one-way drone hmangin ṭum 100 vel zet beih an tawk tawh a ni. December thla tir lam khan Baghdad-a US embasdsy compound pawh mortar hmanga kah a ni bawk.