Pakistan poll body-in Imran Khan nomination hnawl

Pakistan election body chuan prime minister hlui Imran Khan-a'n 2024 inthlanpui neih tur atana constituency pahnih tana nomination a thehluh chu a hnawlsak.

Kum 71 mi, PM hlui Khan hi kum 2022, April thla khan prime minister a nihna aṭanga vote hmangin paihthlak a ni a, hemi hnu hian thubuai eng emaw zat siamsak a ni tawh a ni. August thla khan PM a nih laia thilpek a dawnte dan kalha hralha puhnaa thiam loh chantirin, kum thum tang tura hrem a ni a, jail-ah dah a ni.

Eiruk thubuaiah thiam loh chantir a nih avangin February 8-a an ram inthlanpui neih tura chuh thei loin disqualify a ni. Heti chung hian constituency pahnih, Lahore leh Mianwali-ah chuh tumin nomination hi a thehlut lui tho a, mahse Election Commission a nomination hi a hnawlsak ta tho a ni.