South Korea eptu hruaitu chemin vit

South Korea eptu pawl, Democratic Party hruaitu Lee Jae-Myung chuan Thawhlehni khan Busan khawpui a tlawh a, airport thar siamna hmun a tlawh laiin tu tih hriat lohin a nghawngah chemin a vit. A vittu hi police-te'n an man nghal a ni.

Lee Jae-Myung hi Busan aṭangin Seoul-ah hruai a ni a, damdawi inah zai nghal niin intensive care-ah dah a ni a, a dinhmun dik tak hi sawi chian a la ni lo. South Korea president Yoon Suk Yeol chuan eptu pawl hruaitu chunga thil thleng chu pawi a ti takzet tih sawiin, hetiang pawikhawihna thleng hi eng kawng mahin an ngaizam dawn lo tih a sawi.

Kum 2022-a President thlanna neihah khan Lee hian President Yeol hi vote tlemte chauhin a hneh lo a ni. Lee hi tlang taka thu sawi chi, hruaitu invaivungna duh lotu niin, amah thlawptute chuan an ram politics siam ṭha thei tur, eirukna tibo leh ram mipuite dinhmun inthlau lutuk siam ṭha thei turah an ngai.