Supreme Court-in Donald Trump chungchang ngaihtuah dawn

US Supreme Court chuan kumin kum tawp lama an ram President thar thlanna neih turah president hlui, Donald Trump-a'n a chuh theih dawn leh dawn loh a ngaihtuah dawn.

Colorado state-in an state primary ballot aṭanga Donald Trump a disqualify-na chu Trump hian Supreme Court-ah a appeal a ni. Court chuan a appeal-na hi February 8 hian ngaihtuah a tum. Trump-a lawyer-te chuan Colorado thutlukna hi pawm tlang a nih chuan, US chanchina a vawi khatna atan judiciary chuan voter-te major party presidential candidate tana vote thlak thei loa an dan beh a thlen ṭum khatna a ni dawn a ni, an ti. US President ṭang thei tur chungchang chu state court ni lo, Congress in a ngaihtuah zawk tur a ni, tiin an sawi.

Kum 77 mi, Trump hian Maine state election official-in an state primary ballot aṭanga a disqualify chungchangah appeal a theh lut bawk. Trump attorney-te chuan Maine Superior Court-ah, Democrat member, Maine secretary of state Shenna Bellows thutlukna siam chu hnawl tura ngenin, Bellows chu a thu rel danah thliar bik nei, party duhsak bik neiah an puh.