China-in UK tana enthlatu nia puh a man

China chuan consulting firm hotu, Huang chu United Kingdom tana enthlatu nia puhin a man.

China civilian spy agency, Ministry of State Security (MSS) chuan Huang hi foreign consultancy hotu ni chung hian Britain M16 tan a thawk niin a tarlang. Kum 2015 aṭangin M16 tan hian thawkin, vawi tam tak intelligence thilah China-ah hian an tir a ni, a ti. A hming pum an tarlang lo a, eng ram mi nge tih leh, a thawhna company hming pawh an sawi lang lo bawk.

MSS chuan M16 hian wHuang hi training-te pein, spying equipment ṭha tak tak nen an thuam bawk tih a sawi a, Huang hian Britain hnenah intelligence lam thu pawimawh 17 vel a hrilh hman a ni, an ti. Heng zingah hian an ram thuruk pawimawh tak pawh a tel niin an sawi.