France Prime Minister Elisabeth Borne a bang

France president Emmanuel Macron-a'n a cabinet siksawi a tum mek karah, Thawhṭanni khan prime minister Elisabeth Borne chuan PM a nihna aṭanga banna a theh lut.

Kum 62 mi, Borne hi hmeichhe zinga France President ni thei pahnihna a ni a, kum 2022 May thla aṭang khan he dinhmun hi a chelh a ni. Hemi hma hian Socialist Party minister pawh a lo ni tawh bawk.

Prime Minister thlaktu tur hi ruat a la ni lo a,a thlaktu atana sawi zingah education minister ni lai, kum 34 mi Gabriel Attal hming chu rinkai ber a ni. Attal hi PM atana ruat a nih chuan, France PM ni thei naupang ber a nih bakah, gay zinga he dinhmun chelh thei hmasa ber a ni bawk ang. Attal bakah kum 37 mi, defence minister Sebastien Lecornu leh kum 43 mi, agriculture minister hlui Julien Denormandie-te chu sawi lan zingah an tel bawk a ni.