Vietnam National Assembly chairperson atan hmeichhia thlang

Vietnam National Assembly chuan nimin khan chairperson atan Nguyen Thi Kim Ngan an thlang a, hmei-chhiate zinga he dinhmun chelh thei hmasa ber a ni.

Assembly-a vote laknaah vote tla 481 aṭangin Ngan-i duhtu lamah vote 472 a tla a a, NA Chairperson atan lak luh nghal a ni. Ngan-i hi Natinal Electon Council Chairperson atan thlan a ni nghal bawk.

NA chairperson atana lakluh a nih hnuah lawm-thu sawiin, Ngan-i chuan an ram leh mipuite tana rinawm taka thawh a tiam. Assembly Chairperson hi an rama thuneihna indawt danah a pali-na a ni.

Vietnam-a rorellai, Communist Party official zinga a tam zawk chu mipa an ni a, mahse National Assembly member-ah hian hmeichhia 25% vel an awm a ni.

Prime Minister Nguhen Tan Dung chuan party inthlana-ah a chak zawh loh avangin karleh khian PM a nihna atangin a bang dawn a, a mah thlaktu tur hi National Assembly-in a thlang ve leh dawn a ni. Deputy Prime Minister nilai, Nguyen Xuan Phuc chu PM thar tura rin a ni.