Jerusalem-ah Israel leh Palestinian official-te inhmu

Israel leh Palestinian security official-te chu Nilaini zan khan Jerusalem-ah an inkawm a, Palestian ram dinhmun leh, ram pahnihten inremna siam tura hma an lak chak dan chungchangte an sawiho.

Palestinian aiawhte hi Palestinian security intelligence hotu General Majid Farraj leh Palestinian liaison department and civil affairs hotu Hussein al-Sheikh ten an ho a ni. Palestine Liberation Organization (PLO) chuan karleh Thawhṭanni hian executive committee a nei dawn a, hetah hian Israel-Palestinian joint meeting neih chungchang hi an sawizui ang.

Hetihlai hian Palestinian pawl ṭhenkhat, a bikin Islamic Hamas movement chuan Israel leh Palestinian-te chu eng kawngah mah security lama thawhdunna siam lo turin an duh thung.

US hmalakna hnuaia ram pahnihten inremna kawng zawnga inbiakna an neih chu thla kua kalpui a nih hnuah, kum 2014 April thla aṭang khan Juda-te chenna in sak chungchang te, ramri leh security lama an inrem theih loh avangin an tawpsan rih a ni.