France Prime Minister thar Garbiel Attal

France presient Emmanuel Macron chuan prime minister a nihna aṭanga Elisabeth Borne a ban tak avangin, prime minister thar atan education minister Gabriel Attal a ruat.

Gabriel Attal hi kum 34 mi a ni a, France Prime Minister ni thei naupang ber a nih bakah, mahni anpui kawp ṭhin zingah he dinhmun chelh thei hmasa ber a ni bawk.

Attal hi a lar chho hle a, French politics-a 'rising star' tia sawi a ni a, President Marcon pawhin a kaihhruai sorkar tuaithar leh sawhnghehna tura mi ṭangkai turah a ngai a ni. Macron nen pawh inpawh ṭha tak neiin, Covid hripui len lai pawh khan sorkar thupuangtuah an hmang a ni.

Macron pawh hi kum 2017-a President atana lak luh a nih khan he dinhmun chelh thei naupang ber a lo ni tawh a ni. A term hi kum 2027-ah a tawp dawn a, a cabinet pawh siksawi a tum a, a puan thuai rin a ni.