EU scientist-te'n 2023 khawvel lum ber kumah nemnghet

European Union hnuaia Copernicus Climate Change Service (C3S) chuan kum 2023 chu chhinchhiah chinah khawvel lum ber kum a ni tih an nemnghet.

Nikum June thla aṭang khan thla tinin a lum ber thla record a siam chho reng a, hei vang hian a kum pum anga record a siam chhoh pawh hi rin lawk sa a ni. C3S chuan kum 1850 hnua khawvel a lum ber kumah a nemnghet ta a ni. Kum 1850-1900 chho aiin nikum chhung khan khawvel lum lai hi chawhrualin ni tin 1.48 degree Celsius aiin a lum zawk. Pre-industrial hun aia ni tin 1C aia a lum zawk ṭum khatna niin, November thla phei chuan ni hnih chhung chu industrial preriod aia a lum zawkna hi 2C a tling pha. Khawvel lum ber kuma record lo siamtu, kum 2016 aiin nikum khan 0.17 in a lum zawk bawk.

Kum 2023 lum zualna chhan hi mihringte thlen sik leh sa inthlak danglam nasain a nghawng a nih bakah, El Nino nghawng a ni bawk tih scientist-te chuan an sawi.