Mount Marapi-ah tlang kang invawrh chhuak leh

Indonesia rama Mount Marapi-ah nimin khan tlang kang a invawrh chhuak leh, he tlang bul hnaia thingtlang khuate chu vut sain a khuh nasa hle.

Marapi Volcano Observation Post chuan West Sumara province-a awm, Mount Marapi aṭanga tlang vut sa invawrh chhuak hi tlang chhip aṭanga feet 4,265 zeta sangte a tling niin a tarlang. Tlang kang tur avang hian Zirtawpni liam ta aṭang khan tlang bul hnaih khuaa cheng mi 100 vel chu sawn chhuah an ni.

Marapi tlang kang hi hriat lawk harsa tak a ni ṭhin a, nikum December thla tir lamah tlang kang nasa tak thleng in, tlang lawn, mi 24 an thih phah bakah hliam eng emaw zat an awm a ni. Marapi tlang bul ṭhut, Rubai leh Gobah Cumantiang-ah hian mi 1,400 vel an cheng a, a hnaih ber khua chu tlang chhip aṭanga km 5-6 vel chauha hlaa awm a ni.