US Democratic Convention ṭan

US Democratic Natio­nal Convention 2020 chu an ram huna Thawhṭanni zan aṭang khan neih ṭan a ni. 

Ni li awh tur conven­tion-ah hian kumin Nov thlaa president thlanna tura Demoratic presidential nominee Joe Biden leh a vice president candidate tur California Senator Kamala Harris-te chu official-in party candidate atan pawm an ni ang. 

Kumina convention hi Milwaukee, Wisconsin-ah neih a ni a, an rama  hripui leng vangin kum dang angin mipui tam tham punkhawm theih a ni lo. Hei vang hian a buatsaihtute pawhin an hun hman tam zawk hi online-a kalpui an tum a ni. 

Convention hi a tira ruahman lawk ang chuan July thlaah neih tum a ni a, mi 50,000 vel tura tura ruahman a ni bawk. Mahse hripui leng vangin an sawn a ni.