Israel-in ralthuam hralh dodalna tidanglam lo
Israel prime minister Benjamin Netanyahu chuan United Arab Emirates (UAE) nen thawhdunna turin inremna siam mah se, Israel chuan UAE hnena US-in ralthuam a hralh a dodalna chu a danglam lo tih a sawi.
US president Donald Trump hmalaknaa Israel leh UAE-in thawhdunna tura inremna an siam theih tak avangin, US sorkar chuan UAE hnena advance F-35 jet leitir a tum nia report a awm avangin he thu hi Netanyahu chuan a sawi a ni.
Hemi chungchangah hian Jerusalem-a US embassy leh UAE sorkar lam aiawhte chuan eng mah an la sawi lang lo. Israel sipai chakna leh chungnunna tihnep theih hlauhthawn vangin US chuan Middle East ram hnenah ralthuam a hralh duh lo a ni. Israel chuan US hnen aṭang hian F-35 jet hi leiin hmang mah se, US chuan Arab ramte hnenah a hralh duh lo thung a ni.