Military Strength ranking-ah US pakhatna

Global Firepower-in khawvel ram hrang hrangte sipai chakna, Military Strenth Ranking for 2024 a tihchhuahah US chu pakhatna niin, Russia leh China-in an dawt. Palinaah India a awm bawk.

Ranking siamna atan hian Global Firepower chuan defence information la khawmin, ram 145-te a zir chiang a ni. Factor chi 60 aṭanga zir chiangin, heng zingah hian sipai an neih zat, an hmanraw neih zat, an sum neih dan, an inzarpharh dan leh thil dangte a tel. Hei hi PowerIndex score hmangin an siam a, a score hniam apiang an dinhmun a ṭha tihna a ni.