Khawvela chhungkaw hausa berin car 700 leh private jet 8 nei

GQ report-in a tarlan danin, khawvela chhungkaw hausa ber chu Al Nahyan royal family, Dubai-a mi niin car 700 neiin, private jet pariat an nei.

Manchester City football club neitu, UAE president Sheikh Mohamed bin Zayed Al Nahyan-te chhungkua presidential palace hi Rs. vbc 4,078 hu niin, a len zawng hi Pentagon let thum zet a ni . MBZ tia hriat bawk, Sheikh Mohamed bin Zayed Al Nahyan hi chhungkaw hotu ber niin unaupa 19 leh farnu 11 a nei a, fa pakua neiin tu 18 a nei.

An chhungkua hi khawvela oil reserve 6% neitu an ni a, Manchester City football club an neih bakah, company hrang hrangah share an nei bawk a, heng zingah hian singer Rihanna beauty brand Fenty leh Elon Musk Space X pawh a tel.

Sheikh Hamad bin Hamdan al Nahyan-te chhungkua hian car 700 chuang an nei a, heng zingah hian khawvela SUV lian ber pawh telin, Bugatti Veyrons, a Lamborghini Reventon, a Mercedes-Benz CLK GTR, a Ferrari 599XX leh McLaren MC12-te an nei tel bawk. Abu Dhabi-a an presidential palace awmna hmun hi acre 94 dawna zau niin, an palace-ah hian cyrstal 350,000-a siam chandelier-te an dah a ni. UAE bakah khawvel ram hrang hrangah luxury property eng emaw zat an nei.