NKorea-in underwater nuclear weapon a enchhin

North Korea chuan South Korea, US leh Japan-te'n joint military drill an neih dodalna entirna pakhat atan underwater nuclear weapon system a enchhin niin state media KCNA chuan nimin khan a sawi.

An system enchhin hi 'Haeil-5-23' system tih niin, nuclear ralthuam phur thei underwater attack drone a ni. An ram khawchhak lam tuipuiah a enchhin tih tarlangin, an enchhin hun tak erawh an sawi lang lo.

NKorea-in a dodal mek karah South Korea, US leh Japan chuan tunkar chhungin ni thum awh joint military drill an nei a, hei hi NKorea-in a vauna an chhan letna tur atana inbuatsaihna pakhat nia sawi a ni.