Malaysia PM hlui a party din aṭangin hnawtchhuak

Malaysia prime minis­ter hlui, United Indigenour Party of Malaysia chairman Mahathir Mohamad chu a party din aṭangin hnawhchhuah a ni. 

Bersatu tia hriat lar, United Indigenour Party of Malaysia chuan thuchhuah siamin, Mahathir-a party member nihna chu hlihsak a nih thu a sawi. 

Hei hi prime minister Muhyiddin Yassin kaih­hruai sorkar lai a thlawp loh vang niin party presi­dent chuan a sawi. 

May 18-a Parliament session neihah khan Ma­hathir hi Bersatu president, PM Muhyiddin kaihhruai ṭangrual sorkar thlawptute ṭhutna lamah ṭhu loin,  eptu lam ṭhutnaah a ṭhu a ni. Hei vang hian party aṭang hian hnawhchhuah a ni ta ni. Mahathir rual hian an party MP pali pawh hnawhchhuah an ni bawk a, an zingah hian Mahathir fapa pawh a tel. 

Kum 95 mi, Mahathir hi February thla khan PM a nihna aṭangin a bang a, ram khat hruaitu ni thei zinga upa ber a ni.