Suu Kyi tana thuneihna sang zawk pek remti

Myanmar Parliament Upper House chuan rorellai, National League for Democracy (NLD) party hotu, Aung San Suu Kyi-i hnena parliament-a thuneihna sang zawk pekna tur bill a pawm. Hei hi eptu lam, sipai thlawp party USDP chuan an sawisel thung.

NLD-in Suu Kyi-i tana state councellor role siamsak tura a rawtna chu nimin khan Parliament-ah sawiho a ni a, NLDA leh USDP MP tepawh an inhnial na hle. USDP chuan NLD rawtna siam chu ram danpui kalh niin an sawi a, Bill chu legal expert member pakua awmna, Constitutional Tribunal hnena thlen phawt an rawt a ni.

Mahse House-ah hian NLD hian majority a neih avangin bill hi pass a ni a, Lower House-ah ngaihtuah turin pek a ni ve leh ang.

Suu Kyi-i tana thuneihna sang zawk pek rawkna hi pawm a nih chuan political party leh organisation hrang hrangte a thawhpui thei dawn a, hei hi USDP chuan a duh lo a ni.