NKorea-in missile a kapchhuak

South Korea chuan nimin khan North Korea-in khawchhak lam tuipuiah missile a kap chhuak len niin a sawi. Hemi hma lawk hian South Korea, Japan leh US hruaitute chuan NKorea hi missile enchhin tawh lo turin an lo vau tawh a ni.

SKorea military official chuan NKorea hian khawchhak lam tuipui kam bul aṭangin projectile missile hi a kapchhuak leh niin a sawi a, short-range surface-to-surface missile a nih thu Joint Chiefs of Staff office chuan a sawi bawk.

Missile hi chhun dar 12.45 vela kahchhuah nia sawi a ni. NKorea hian tunhnaiah rocket a kapchhuak fo a, heng zingah hian long-range rocket pawh a tel. An ram hotu lu ber, Kim Jong-Un chuan UN hrekna palzuta rocket an kahchhuahna hmun ṭhenkhat hi a enpui a ni.

Ningani khan Washongton-ah nuclear summit neih denchhenin, US President Barack Obama, South Korea President Guen-hye leh Japan Prime Minister Shinzo Abe-te chuan NKorea chuan misisle a enchhin ṭhin chu titawp tura vauin, a chhunzawm zel chuan a
ṭul anga hma an lak tur thu an sawi a ni.