MH370 : Mauritius-ah thlawhtheihna tla them hmuh belh leh

Malaysia Airlines thlawhtheihna, kum 2014 March thlaa chin hriat loha bo, MH370 them nia hriat chu Mauritius thliarkarah hmuh a ni leh a, mithiamten an endik dawn.

Khualzin 239 phurtu, MH370 hi Kuala Lumpur aṭanga Beijing pana a thlawh laiin chin hriat lohin a awm zui a, ram hrang hrangten nasa takin zawng mah se tun thlengin a chin hi hriat a la ni lo.

Thla hmasa khan Australia chuan Mozambique-a thlawhtheihna tla them a hmuh chu MH370 them nia hriat a nih thu a sawi a, kum 2015 khan France ram thuneitute chuan Indian Ocean-a Reunion thliarkarah thlawhtheihna thla them hmuh pawh MH370 them niin an lo sawi tawh bawk.

Mauritius-a thlawhtheihna them an hmuh hi a chhung lam ami nia a lan thu Australia Transport Minister Darren Chester chuan a sawi.