Bangladesh PM hlui court-ah inpe dawn

Bangladesh Prime Minister hlui, Bangladesh Nationlist Party hotu Khaleda Zia chu vawiin hian court-ah a inpe dawn.

PM hlui Zia hi nikuma a party-ten sorkar laka lungawi lohna lantira nawrh an huaihawt ṭuma petrol bomb hmanga bus beihnaah mawhphurtua puh a ni. March 30 khan Metropolitan Sessions Judge's Court, Dhaka chuan a manna tur thupek hi a tichhuak a, a rual hian an party hruaitu dang 27-te pawh thubuai siamsak an ni bawk. Zia leh party hruai≠tute hi tharum thawhna thlen tura an party mi leh sate fuihah puh an ni.

Zia-i ukil, Sanaullah Mia chuan PM hlui hi vawiinah court-ah a inpe dawn tih sawiin, bail-a chhuah an dil nghal dawn tih a sawi.