Pakistan-ah tuilian vangin mi 53 thi

Pakistan ramah ruahsur nasa avanga Khyber Pakhtunkhwa, Kashmir leh Gilgit-Baltistan province-ah tui a lian a, kar kalta kartawpa tuilianin chhiatna a thlen vanga thi hi mi 53 an tling tawh.

Kar kalta Inrinni aṭang khan ruah hi a sur a, ruahsur hian thingtlang lam bialah thil a tichhe nasa hle. Thuneitute chuang thingtlang khaw eng emaw zat chu hmun him lamah insawn turin an hriattir bawk.

Tuilian hian hmun tam takah leimin a thlen a, chenna in tam tak a chhe bawk. Thlai chinna ram a chim chhe nasa hle bawk a ni. Official-te chuan kumin March 9 aṭang khan Pakistan rama chhung hmun hrang hrangah ruahsur nasa avanga chhiatna thlengah mi 121 an thi tawh a, mi 124 in hliam tuarin chenna in 852 a chhe bawk a ni.