Syria sipaiten IS kut aṭangin khua an lak belh leh

Syria sipaite chuan Islamic State (IS) firfiakte kut aṭanga khawpui pawimawh, Palmyra an lak let hnuah, al-Qaryatain khua pawh an la kir leh ta.

Al-Qaryatain khua hi Palmyra khawthlang lam, km 100 vela hlaa awm a ni. Syria sipaite hian lak let tuma ni eng emaw chen an beih hnuah Pathianni khan firfiakt kut
aṭang hian a la let a ni.

IS firfiakte hian nikum August thla khan al-Qaryatain hi Syria sipaite kut aṭanga laksakin an awp zui a ni. Mahse Syria sipaite hian Russia thlawhtheihna puihnain firfiakte khaw awpte hi lak kir tumin beihpui an thlak a ni.

State news agency, SANA chuan al-Qaryatain khaw chhung hmun zahve chu sipai leh a thurualpui te kuta a awm tawh a, hmarlam leh chhimchhak lamah sipai leh firfiakte hi an la inkap niin a sawi.

Sipaite hian firfiakte laka beihpui an thlaknaah hma an sawn zel a, hetihlai hian IS hian Syria khaw≠chhak lam, Iraq ramri bula Deir Ezzor province hmun tam zawk leh Raqqq khawpuite chu an la thunun a ni.