Afghan-ah thihchilh bomb tipuak

Afghanistan thuneitute chuan Thawhlehni khan Afghanistan khawchhak lamah thihchilh bomb tihpuah a ni tih an sawi a, civil mi paruk an thi a, mi 22 ten hliam an tuar.

Thihchilh bomb tihpuahna hmun hi Kabul aṭanga hmar­thlang lam, Parwan province-ah a ni a, he province-a police hotu, Mohammad Zaman Mamozai chuan, "Police hmun beih tumin thihchilh bomb pai mi pakhat a kal a, police-ten hmuin an umzui a ni. He pa hian police-ten an hmu tih a hriatin school clinic bulah a bomb pai hi a tipuak ta a ni," a ti.

Pawikhawihtute hi tute nge an nih tih a la hriat loh a, mahse Taliban te thiltih nia rin a ni. Taliban leh Afghan sorkar-te hi remna a awm theih nan an inbia a, mahse Taliban lam hian ram dang sipaite an ram aṭanga chhuahtir vek an duh avangin inremna tura inbiaknain hma a sawn chak lo hle.