Jakarta-ah thlawhtheihna a insu

Indonesia khawpui Jakarta thlawhtheihna ṭum hmunah thlawhtheihna pahnih a insu a, nasa takin an kâng zui; thi leh hliam an awm lo niin thuneitute chuan an sawi.

Thlawhtheihna pakhat zawk hi Batik Air a ni a, khualzin phur niin, TransNusa Aircraft nen ṭum kawngah an insu a ni. He thil hi Thawhṭanni zana thleng kha a ni a, thlawhtheihna pahnihte hi an kâng nasa hle a, khualzin na phurhte erawh hmun himah thiar chhuah an ni. Indonesia hi thlawhtheihna thlawk chhuak leh lut thunun kawngah a hming a lo chhe fo tawh ṭhin a, a bikin thlawhtheihna chuan man tlâwmte ngaihthah an ni bik nia sawi a ni.

Chetsualna a thlen aṭang hian chetsualna hmun, Halim Perdanakusuma ṭumhmun hi khar nghal a ni a, he ṭumhmun hi ram chhung thlawh-theihnate an ṭumna hmun bik a ni.

Batik Air-ah hian khualzin leh a thawktute nen mi 49 an chuang nia tarlan a ni a, a thlawh chhuah dawn mek laiin TransNusa Aircraft mei lam leh Batik Air thlate hi an intai ta a ni. Thlawh-theihna chuan man tlawm Lion Air Group thupuangtu chuan Batik Air thlawk chhuak tur mek chu tawhsual a tawh avang hian a thlawh kân tak tak hmain pilot hian a titawp hman niin a sawi.

Kum 2013 khan Lion Air thlawhtheihna chu ṭumkawng zawh dik loin tuipuiah a tla a, mi 22 lai damdawi inah dah luh an lo ni tawh a, kum 2014 khan Indonesian thlawhtheihna tho AirAsia chu Surabaya aṭanga Singapore a pannaah chesualin, mi 162 zet an lo thi tawh bawk.