UN hotuin state of climate emergency puan duh

United Nations secretary-general Antonio Guterres chuan khawvel sik leh sak danglam chak venna atana khawvel puma 'state of climate emergency' puan a duh thu a sawi. 

Inrinni liam taa UN, Britain leh France sorkarte huaihawta Climate Ambition Summit neiha thu a sawi­ah, UN hotu chuan climate change chungchangah kum nga liam ta khan Paris Agreement ziah a ni tawh chungin, tun thlengin khawvel chuan kawng dik a la zawh thei lo a ni, a ti. 

Paris Agreement-ah hian tempe­rature sanna bithliah chu 1.5 degree Celsius china siam tura intiam a ni. Mahse Paris-a an intiamnate hi tihhlawhtlin a la ni lo tih Guterres chuan a sawi a ni. 

"Carbon dioxide level chu a la sang zel a, vawiinah chuan industrial revolution hma lam aiin 1.2 degree in a lum tawh zawk. Kan kal dan phung kan thlak thuai loh chuan, tun kum zabi chhung ngei hian temperature sanna hi 3 degree chung lam a ni thei dawn a ni,?" tiin khawvelin dinhmun ṭha lo tak a tawng chho mek tih chu tumahin an pha thei lo ang, a ti.

Hei vang hian ram hrang hrang hruaitute chu climate emergency puang a, carbon dioxide level tihniam tura theihtawp chhuah turin a ngen a ngai a ni, tiin a sawi.