Brazil-ah vaccine duh lotu an pung

Brazil ram mipui zingah Covid-19  vacchine lak duh lo August thlaa 9% an nih laiin, mipui ngaihdan lak hnuhnung berah chuan 22%-ah  an pung. 

Datafolha in kar liam ta Inrinnia survey a neihah 73% in vaccine hi lak an duh thu an sawi laiin, a duh lotu hi 22%-ah an pung a, 5% chuan thutlukna an la siam lo tih an sawi. August thlaa mipui ngaihdan lakah hian vaccine lak duhtu hi 89% an ni. 

Vaccine lak an duh lo thu sawitu zinga a tam zawk chuan China siam vaccine chu an pawm lo tih an sawi. 

November thla khan president Jair Bolsonaro chuan coronavirus vaccine chu peihfel pawh ni se lak a tum lo tih a sawi tawh bawk. 

Brazil-a Sao Paul state sorkar hnuai Butantan Institute chuan China-a vaccine siamtu, Sinovac Biotech vaccine siam chu enchhinna an nei mek a, a enchhin hnuhnung ber tur an zo hnai tawh a ni.