Brazil dam chimin chhiatna thlen vangin Mining company-te USD tld 9.7 chawi turin hriattir

Brazil rama kum 2015-a Fundao dam chhiatna thleng chungchangah federal judge chuan mining company lian, BHP, Vale leh an thawhpui Samarco iron ore chu USD tld 9.67 chawi turin a hriattir.

Dam chim hian lei tawlh nasa tak thlenin mi 19 an thi a, Rio Doce lui tui nasa takin a tibawlhhlawh bawk a ni. Minas Gerais state-a dam chim vang hian mi 700 vel chu hmun himah an insawn a ngaih phah bawk a, Brazil rama leilung chhiatna thleng rapthlak ber zinga mi a ni.

Judge Vinicius Cobucci chuan company-te chuan leilung chhiatna nasa tak an thlen bakah, he chhiatna thlengin a nghawng mi tam tak rilru thlengin a tihbuai phah a ni, a ti. Company-te hian sum chawi tur hi eng angin nge an insem dawn tih erawh sawi chian a la ni lo.

Hetih lai hian Vale chuan judge thutlukna chungchang hi engmah hriattir an la ni lo tih an sawi a, BHP leh Samarco pawhin sawi an la nei lo bawk. Company-te hian judge rorelna hi an appeal thei dawn a ni.