Khawvel-a cruise ship lian berin a zinkawng a ṭan ta

Khawvela cruise lian ber, Icon Of the Seas chuan Inrinni liamta khan Miami, Florida lawng chawlhmun aṭangin a zinkawng hmasa ber tur a zawh ṭan, ni sarih chhung thliarkar hrang hrang a tlawhkual dawn a ni.

He lawng hi meter 365-a thui leh mi 7,600 zet len theihna a ni a, Royal Carribean group ta niin lawng enkawltu (crew) 2,350 zet an awm bawk.

Icon of the Seas chhungah hian intihhlimna chi hrang hrang awmin beach, resort leh theme park adventure te a awm a, lawng chhungah hian veng (neihbourhood) hrang pariat a awm bawk. Heng bakah hian tuichenna, pool pasarih leh restaurant 40 a awm.

Lawng-a zin kual man hi an website a an tarlan dan chuan USD 1,723 - 14,205 inkar niin hei hi India pawisa Rs nuai 1.4 - 11.8 inkar a ni.

Environmentalist-te chuan lawng tuialhthei hman, LNG chuan Methane, boruak tan hlauhawm thei tam tak a pechhuak dawn tih sawiin hmasawnna diklo niin an ngai a ni. "Tuipui-a LNG hman chuan gas oil pangngai hman aiin a let 120 in greenhouse gas a pechhuak hnem zawk a ni" an ti.