Ukraine ralthuam leina ah eirukna a awm

Russia nena indo mek, Ukraine chuan an sipaite hman tur ralthuam an leinaah USD 40 million zet eirukna a awm tih an hmuchhuak.

Ukraine security service, SBU chuan Inrinni khan ralthuam leinaa eirukna awm hi kimchangin an tarlang a, hetah hian Ukraine sipai hman tur mortar shell 100,000 leina pawh tel a ni. Russia nena an indo ṭan aṭanga thla ruknaah khan mortar shell leina tur hian Lviv Arsenal nen inremna ziah a ni a, pawisa pawh pek lawk a ni. Mahse ralthuam hi an dawn loh thu leh, pawisa an pek lawk tawh ṭhenkhat chu ramdanga bank account-ah thawnchhuah a nih thu a tarlang.

SBU chuan chhuichianna an kalpui hnuah ministry of defence hnuaia thuneitute leh Lviv Arsenal-a manager of arms supplier-te chu dik lo taka thiltihnaah hian an inhnamhnawih ngei niin a sawi a, heng zingah hian hotu lian tak tak, chawl tawh leh hruaitu ni mek te pawh an tel niin a sawi bawk.