Sniper-in Myamnar Army official kaphlum

Myanmar security service member palite chu Thawhṭanni khan Thailand ramri bulah sniper-in a kaphlum a, an zingah hian brigadier-general a tel.

Myamnar sipaiten an tarlan danin, brigadier general Aye Min Nayang, a personal security officer leh pilot pahnihte chu an chuanna helicopter hi Thai border, Myawaddy-a Thingannyinaung khaw chhak lama a ṭum dawn laiin, sniper hian a lo kap fuh a ni. Helicoter-a chuang sipai dang pahnih erawh an him niin an sawi. Sipaite lo beitu sniper hi eng zat nge an ni tih erawh tarlan a ni lo.

Sipaite leh sipai sorkar dodaltu, hnam pawl hrang hrangte chu tun hnaiah Myawaddy leh a chhehvelah hian an inbei fo a ni. Nikum November thla khan China ramri bula an inbeihnaah, drone aṭanga bomb thlakah light infantry batallion-a brigadier-general chu a lo thi tawh bawk. Kokang bialah sipai 2,000 chuang chu hnam sipaite kutah an inpe tawh bawk a, an zingah hian brigadier general paruk an tel.