Russia presidential candidate atan Putin ziak lut

Russia Central Election Commission chuan March thlaa an ram president thlanna neih tur atan, President ṭanglai chu candidate atan official-a ziah luh a ni tih Thawhṭanni khan a puang.

Kum 71 mi, Putin hi March 15 -17 chhunga president thar thlanna neih turah hian a chak chiang sa turah ngaih a ni. Putin bakah hian President thlanna chuh tuma hming thehlut mi pathum dang an awm tawh bawk a, chungte chu - nationalist LDPR party leader Leonid Slutsky, Stae Duma deputy speaker leh New People party member Vladislav Davankov bakah, Duma deputy leh Communist party member Nikolai Kharitonov te an ni.

Kum 2020-a an ram danpui siamṭhat a nih tak avangin, Putin hian a chak zel a nih chuan kum 2036 thleng an ram hotu lu ber dinhmun hi a chelh thei dawn a ni.

Central Election Commission chuan inthlanna felfai leh langtlang neih a ni dawn tiin sawi mahse eptu lam leh rights group-te chuan an ring ngam lo tih an sawi a, inthlan an lo neih tawhah pawh dik tawk lo taka thiltihte a awm bakah, independent observer-te pawh dan an lo ni ṭhin niin an sawi.

Putin-a thupuangtu, Dmitry Peskov chuan president candidate atan official-a ziah luh ni tawh mah se, Putin hi inthlan neih tur atana debate buatsaihah a tel ve dawn loh thu a sawi.