Eiruk tlemna ber ram - Denmark

Transparency In­ter­­national-in 2023 Corruption Perceptions Index (CPI) a tihchhuahah, khawvel ram hrang hrang 180-te a zir chianna aṭangin, eirukna laka fihlim ber ram chu Denmark bawk an ni. Denmark hi a zawnin kum ruk chu eirukna thlen tlemna ber ramah puan a ni tawh a ni.

Ram leh territory 180-a eirukna chungchang zir chiannaah hian CPI chuan rank hi, zero (highly corrupt) aṭanga 100 (very clean) scale a pe a ni. Ram 180 zinga hmun thuma ṭhena hmun hnih aia tam hian 50 hnuai lam an score.

Eirukna tlemna ber ram, Denmark hian 90 a score a, a hnuaiah hian Finland (87) leh New Zealand (85) te an awm. Eirukna tlemna ram zingah hian Norway (84), Singapore (83), Sweden (82), Switzerland (82), Netherlands (79), Germany (78) leh Luxembourg (78) te an awm bawk a ni.

India chuan 39 a score a, ram 180 zingah 93-na a ni pha ṭawk. Kum 2022 khan 40 hmuin, 85-na a ni. 2023 chhunga zir chiannaa 11 chauh hmu pha, Somalia chu khawvela eiruk nasatna ber ram niin, Venezuela (13), Syria (13), South Sudan (13) leh Yemen (16) te chu eirukna thlen nasatna ram zingah an tel bawk.