Namibia President Hage Geingob a boral

Namibia President Hage Geingob chu nimin khan kum 82 mi niin a boral, Geingob hi thla liam ta khan a cancer tih hriat chhuah a ni.

Namibia President lailawk Nangolo Mbumba chuan Geingob hi Pathianni khan Namibia khawpui, Windhoek-a Lady Pohamba damdawi inah a boral thu a Facebook page-ah a tarlang a ni. Mbumba chuan,"Namibia chuan mipui tana thawktu, zalenna sual kawnga thawhhlawk tak, danpui siamnaa sulsutu leh Namibia House-a mi pawimawh tak a chan a ni" a ti.

President boral ta, Geingob hi President office chuan thla liam ta khan cancer a ni tih hmuhchhuah a nih thu an puang a, cancer chung hian President nihna a chelh chhunzawm tur thu an sawi bawk a ni. Geingob hi US -ah inenkawl tura kalin February 2-a a lo let leh tur thu an sawi bawk. Geingob hi a hriselna ṭhat tawk loh avangin enkawl ngaiin a lo awm tawh ṭhin a, 2013 khan a thluak lamah zaipui lo tawk tawhin, kum 2014-ah prostate cancer aṭanga a dam thu a lo sawi tawh bawk a, nikum khan aortic surgery a nei leh bawk.

Namibia hi Germany awpna hnuaia awm ṭhin niin, 1990 khan South Africa ram aṭangin an in dang a ni. Kumin kum tawp November thla hian President thlanna an nei dawn a ni.