Saudi Arabia-ah oil field pahnih hmuchhuak

Saudi Arabia energry minister Abdulaziz bin Salman Al Saud chuan an ram chhungah oil field pahnih hmuh chhuah a nih thu a puang. 

Oil field pahnih an hmuh chhuah hi Al-Jawr biala Hadat Al Hajrah field leh an ram hmarlam ramri bula Abraq Al-Talul oil field te niin, a hmu chhuaktu hi Saudi Arabian Oil Company (Saudi Aramco) a ni. 

He company hian field pahnihah hian oil leh gas hmuhchhuah a nih theih nan hna an thawk dawn a, lei thuk tak takte an verh ṭhin dawn a ni. Saudi Aramco hi khawvela oil company hlu ber a ni a, oil company dang zawng aiin nitina oil an laihchhuah hi a tam zawk a ni.