Iceland-a Sylinagafell tlang kang invawrh chhuak leh

Iceland-a Sylingarfell tlang kang chu Ningani khan a invawrh chhuak leh a, hei nikum December aṭanga a thlen ṭum thumna a ni.

Meteorological Office chuan tlangkang hi Iceland chhim thlang lam, Reykjanes peninsula aṭanga rawn invawrh chhuak niin an sawi. An ram huna Ningani zing dar 6 vel aṭangin tlang kang hi a inṭan a, helai hnaia khualzin hiptu hmun pawimawh tak, Blue Lagoon thermal spa chu khar a ni.

Reykjanes peninsula-ah hian kum 2021 aṭang khan tlang kang hi ṭum ruk thleng tawhin, kuminah ṭum hnih a thleng tawh. A thlen hnuhnun ber chu January 14 kha niin, ni hnih chhung a awh a, vut sa luang chhuakte hian Grindavik khaw dai a thleng a, he khuaa chengte hi sawn chhuah an nih phah tawh bawk. Sylingarfell tlang hi Grinadvik hmarlama awm a ni a, Ningania tlang kang thleng leh hian Grindavik khua hi a tibuai pha dawn em tih hriatchian a la ni lo.