Israel Mossad spy hotuin UAE a tlawh

Israel leh United Arab Emirates (UAE) in thawhdunna tura inremna siam an remtih hnuah, Israel foreign intelli­gence service, Mossad hotu Yossi Cohen chu UAE-ah a zin. 

Yosi Cohen hian  UAE national security adviser, Sheikh Tahnoun bin Zayed chu Abu Dhabi-ah hmuin security lama ram pahnihte thawhdun dan turte an sawi a ni. Ram pahnihte hian thawhdun an remtih hnuah Cohen hi Israel official zingah UAE tlawh hmasa ber a ni.Bin Zayed chuan Israel leh UAE in inremna an siam theihna tura Cohen-a hma lakna te a fak hle.