Australia-in Covid-19 vaccine him tawk siam mek

Australia prime minister Scott Morrison chuan Thawlehni khan an rama Covid-19 vaccine siam mek chu ṭha tak leh him tawk taka siam a nih thu sawiin, an ram mipui maktaduai 25 chuangte tan a thlawna pek tum a nih thu a sawi bawk.

Vaccine hi pharmaceutical company pahnih, AstraZeneca leh Oxford University ṭangkawp siam a ni a, clinical trial hi zawh la ni lo mah se, nakkum kum tir lamah chuan zawh hman tum a ni. Morrison chuan he vaccine hi an ram mipuite hman tura tih a nih avangin a him tawk dawn tih a sawi.

Siam zawh a nih hunah an ram mipui zinga 95% chu he vaccine hi lak tir an nih dawn thu Morrison chuan a sawi bawk. Covid-19 hri hian an ram mai bakah khawvel a tih buai em em tih Morrison chuan a sawiin, he hri vanga thi hi mi 400 chuang an ramah an awm hman avangin pawi a tih tak zet thu a sawi bawk a ni.

Australia-ah hian Covid-19 hri kai hi mi 23,993 an awm tawh a, heng zinga mi 15,246 chu enkawl dam tawh niin, mi 450 in an thihpui tawh bawk a ni.