Biden-a'n classified document buaipui tur task force a din

US President Joe Biden chuan Justice Department special counsel-in document pawimawh a enkawl dan a fel tawk lo nia puha a sawisel hnuah, President thuneihna inhlan chhawn huna information pawimawh tihfel tawk lo awm tur veng turin task force a din.

Presidential Records Transition Task Force hian a hmaa thil lo kalpui dante uluk taka zirchiangin, thuneihbna inhlanchhawn huna information pawimawh vawnhim dan ṭha berte an ngaihtuah dawn niin White House chuan a tarlang. Policy hman mek thlak ngaite pawh an enfiah dawn bawk a ni.

Special councsel Robert Hur chuan President Biden hi classified document a enkawl danah a tifel tawk lo hle nia puhin Wilmington, Delware-a a in leh Washington-a a office hluiahte sorkar document pawimawhte hi hmuh a nih thu a lo sawi tawh a ni. Heng document pawimawh tam zawk hi sorkar office aṭanga lak chhuah palh niin a sawi a, ṭhenkhat erawh chu President hian hre sa chunga a dah te niin a sawi bawk.