Myanmar-in April aṭangin mandatory military service hmang dawn

Myanmar sipai sorkarin an ram ṭhalaite, kum hnih chhung sipaia ṭan ngei ngei ngaihna dan a tuaithar leh hnuah, he dan hi April thla aṭangin a hmang ṭan dawn nia sawi a ni.

Mandatory military service hnuaiah hian ṭhalai, mipa chu kum 18-35 inkar an nih laiin sipaiah kum hnih an ṭan ngei ngei a ngai dawn a, hmeichhia chu kum 18-27 an nih chhungin an ṭan a ngai ang. An ram dinhmun azirin sipai ṭan hun hi kum nga chhung pawhsei theih a ni bawk.

Sipai sorkar thupuangtu, Zaw Min Tun chuan he dan hi an ram New Year holiday, Thingyan zawhah, April thla aṭangin hman ṭan a tum tih a sawi. Sipai lak thar bakah, kum nga chhunga security force aṭanga lo chawlte pawh koh kir leh an ni dawn niin state media chuan a tarlang. Ṭhalai, sipaia ṭan ngei ngeina tur dan hi sipai sorkar hmasa khan kum 2010-ah lo siam mah se, a taka hman a la ni lo. He dan hnuaiah hian sipai ṭang duh lote chu kum nga thleng lung in tantir theih an ni ang.