Poland loneitute'n Ukraine nena an ramri an dang

Poland-a loneitute chuan Ukraine nena an ramriah Ukriane aṭanga buh lak luh duh lohna leh, European Union-in environmental policy thar a siam dodalna lantir nan Ukraine tharchhuah buh humte chu theh darhin motor kete an hal. Spain, Italy leh Belguim lama loneitute pawhin kar liam ta khan lungawi lohna an lo lantir ve tawh bawk.

Loneitute hian European Union-in chemical leh greenhouse gas pek chhuah tihtlem a nih theihna atana hmalak tumna; Green Deal chuan loneitute tharchhuah leh sum lak luh a titlem thei dawn a ni, an ti. Hei mai bakah hian EU member ni lo ram aṭanga thlaithar lak luh a nih ṭhin avangin an lungawi lo bawk. Loneitute chuan Ukraine leh ram dang aṭanga thlai lak luh a nih ṭhin avang hian thlaithar man tlakhniam phah chu a tuartu an nih thu an sawi. Green Deal aṭanga Poland inhnukdawk tur leh thlaithar lak luh titawp turin loneitute chuan Poland Prime Minister Donald Tusk chu an ngen a ni.