Vietnam-in kum khat chhungin hydrogen ton nuai 5 dawn siam an tum

Vietnam chuan boruak tihthianghlim kawnga a hmalakna pakhat atan, kum 2030 hmain kum khatah hydrogen ton nuai 1 aṭanga 5 siam chhuah a tum thu a tarlang. Vietnam ramin hei hi an ti hlawhtling thei a nih chuan, kum 2050-ah chuan hydrogen ton mtd 10 -20 an siam chhuak hman dawn a ni.

Hydrogen siam chhuah kawnga an hmalakna hian hydrogen siamchhuah leh hman kawngah Vietnam chu hma a sawnpui a, kum 2050 ral hmaa boruak bawlhhlawh pe chhuak lo ram nih an tumnaah a puih ngei an beisei a ni. Hydrogen chuan kawlphetha siamchhuahna hmunah gas leh lungalhthei tlem tlemin kum 2030 hmain a thlak chho dawn niin an sawi. Hemi bakah hian hydrogen chu lirthei, leiṭha, thir leh cement siamna hmunah hman a nih dawn thu an sawi bawk.

Kum 2050-ah chuan an ram kawlphetha dehchhuah aṭanga 10% chu hydrogen hmanga dehchhuah tur a nih thu an sawi.