Brazil President hlui thlawptute'n kawng an zawh

Brazil President kal chhuak ta, Jair Bolsonaro chu kum 2022 inthlana a chak loh hnuin Brazil ram inrelbawlna tibuai thei zawnga chet tum nia puhin chhui chian a ni. Hetih lai hian Bolsonaro thlawptute chuan an President hlui lam an ṭang tih entirin, Pathianni khan Sao Paulo-ah kawng an zawh.

Bolsonaro chuan an puhna chu thu belhchian dawl lo a nih thu sawiin President inthlan a chuh theih lohna tura dan an siam chu a sawisel bawk.

Brazil Federal police-te chuan Bolsonaro passport chu tun thla tir lam khan an hrensak a, hei hi inthlan kaihhnawiha thil dik tawk lo a tih vang nia sawi a ni. Bolsonaro hian sipai hotu pakhat chu thuneihna lakpui turin a sawm bakah Supreme Court judge chu lungin ah khung a tum bawk tiin an puh. Heng bakah hian Covid vacinne certificate dik lo pek chhuah leh president a nih laia ram dang hnen aṭanga a thil dawn a hman dan chungchangah Bolsonaro hian thubuai a nei bawk a ni.