West African bloc-in Guinea leh Mali hrekna hlip

West Africa regional bloc, Economic Community of West African States (ECOWAS) chuan sipai rorelna hnuaia awm, Niger an hrekna an tihtlem tur thu an sawi hnuah, nimin khan Guinea leh Mali hrekna an hlih thu an sawi.

ECOWAS hian Guinea leh Mali te hi 2020 leh 2023 inkara sipaiin rorelna an lak hnuah an hrek a ni.

Kar liam ta Inrinnia emergency summit an neihah, ECOWAS chief commisioner, Omar Alieu Touray chuan thu sawiin, Guinea leh Mali hrekna tihtawp thu hi a sawi lang a ni.

Guinea leh Mali bakah hian Burkina Faso ramte chu ECOWAS member an nihna hlihsak an lo ni tawh a, hei hi an ram rorelna sipaiin an thunun vang a ni. Guinea leh Mali hrekna an hlih rual hian nikuma sipaiin rorelna an lak luihna, Niger tana no fly zone siam te, ramri khar leh an ram asset khawih chet phal lohna te a hlip tel bawk.