Hungary President thar atan Tamas Sulyok pawm

Hungary Parliament chuan an ram President thar atan kum 67 mi, Tamas Sulyok chu pawmin, March 5-ah lak luh a ni ang.

Tun thla tir lam khan Hungary hmeichhe zinga President ni thei hmasa ber, Katlin Novak chuan mipat hmeichhiatna lam hawia naupang khawihtu thiam loh chantir tawh pakhat chu a ngaihdam avangin sawiselna nasa tak a tawk a, hei vang hian Prime Minister a nihna aṭangin banna a theh luh phah hial a ni. Kar liam ta khan rorel lai party, Fidesz chuan Constitutional Court hotu, Sulyok hi Novak thlaktu atan hian a rawt a, Parliament chuan he rawtna hi a pawmpui ta a ni.

Eptu lam chuan President atana Sulyok rawtna hi an thlawp lo a, politics lama tawnhriat engmah nei lo tiin an sawisel. President thar thlanna hi direct election-a neih phutin Pathianni khan eptu party pali chuan nawrh an lo huaihawt tawh bawk a ni.